يلا اتقدم !

يلا اتقدم

... ليه تخاف

دة أنت طالب العفاف

و اما الجو ميعجبكش

كلمتين خفاف ظراف

و كل شىء قسمة و نصيب



أيوة يا سيدى

قول يا عم

:

عندى مرتب

ميكفيش حتى المم

على شوية تقل دم

و كلامى بينقط سم


قوم يا بيه مش ناقصة هم


هاه يا توتو

و إنت إيه ؟


بابى مامى مضبطنى

و مكافح من صغر سنى

الجيم آخد منى راقات

و ياما تعبت معاكسات

كل حياتى بنات فى بنات

بس يا عمى كالاخوات



هاه يا دكتور

يلا دورك



أنا جيت رغم انشغالى

و ربنا عالم بحالى

الدكتوراة شاغلة لى بالى

يا عروسة سين سؤال

تعرفى ايه عن البحار ؟

أو الجبال ؟

أو عن آخر زلزال ؟

إنت ملكيش فى الجيولوجيا !!!

- لا مليش .. ليا فى تربية العيال ...





*******



آدى يا ناس الصالونات

مليانة عاهات فى عاهات

مش رافضينها

بس بشرط

مش عايزين يجيلنا الضغط

لما توفق شوف بالضبط

كل شخص يناسبه مين

الجواز مش بس اتنين

بنت و راجل كدة فاضيين

متقولش محدش خسران

كتر الصالونات

بيخلى الواحد قرفان

و نقضيها سكوت فى سكوت

و اللهفة فى القلب تموت